MOSICAIRE, UN PROGRAMA MUSICAL DE TV EN ARAGONÉS

Dende o 21 de Chunio ha escomenzipiato a emitir-se un nuebo programa en a Telebisión de Lugar d’Andorra, se trata de Mosicaire que mirará de presentar-ie a los telebidéns a diferéns collas d’a cheografía aragonesa. Cada emisión irá adedicata a una colla y en a que bi abrá mosica en direuto y una ampla entrebista.
As primers emisións bi serán adedicaaas a la chen d’o lugar: Amenazha, con qui ya s’ha grabato y que suposará la primer emisión, Asalto Liriko, Bolintxe y sus Kompintxes, Acción Directa, Sabotaje y os incansables Acolla. Tamién se quiere meter-ie en a programazión a mosica folk de collas como los andorrinos La Martingala u, dentro d’a mesma redolada, Gaiters d’Estercuel. Dimpués se prinzipiará a recorrer-ie os nuestros lugars y ziudad escando nuebos mosicaires.
Seguntes os reyalizadors d’iste programa, la colla los barfulares, ye minima l’adedicazión d’os meyos de comunicazión aragoneses a lo panorama mosical d’ista tierra. La colla los barfulaires, miembros de CREABA, asoziazión que treballa por a fabla aragonesa, quereban chunir-ie dos mundos con poquet ficazio publico: a fabla aragonesa y as collas mosicals aragonesas. Ta ello han creyato Mosicaire, ta presentar-ie en aragonés a las collas aragonesas.
O programa s’emitirá los miercols a las 20 oras y se segundiará los sabados a lo meyodiya. Se gosa de presentar-ie lo proyeuto a la telebisión autonoma u t’atras cadenas de lugar d’a capital aragonesa. Sólo queda que dezir que toda la chen d’o mundet mosical aragonés intresatos en partizipar-ie en una d’as emisións de Mosicaire pueden escribir-ie un e-mail a [e-mail] u trucando a la Telebisión de lugar d’Andorra 978 88 01 33.