PREMIO PYRENE DE PERIODISMO INTERPIRINENCO

Premio Pyrene de Periodismo Interpirinenco

A. - L’ochetibo de o premio Pirene ye promober un millor conoximiento de a reyalida pirinenca en toz os suyos aspeutos. Pueden optar a o premio Pirene os treballos periodisticos (de prensa, radio u telebision) que seigan estatos publicatos u esparditos entre lo 1 de chulio de 2006 y o 30 de chunio de 2007 y que faigan referenzia a cualsiquier aspeuto rilazionato con os Pirineyos.

B. - Os treballos que opten a o premio se pueden elaborar en cualsiquier luenga d’uso de o Perineyo (catalan, franzes, castellano, euskera, aragones, oczitano u aranes) Tambien s’adempribian treballos en ingles.
Ta fazilitar a leutura a o churato, se solizita que os treballos en euskera s’acompañen de una traduzion (a o castellano, catalan u franzes).
C. De os treballos de prensa ye menister presentar a o menos un orichinal de a publicazion, chunto con 5 copias d’eszelen calida. Os de radio y telebision cal que seigan presentatos por quintuplicato, grabatos en caset, compact-disc, DVD u bideo VHS y acompañatos de o zertificato d’emision correspondien firmato por el/la direutor/a de a emisora. S’adempribian treballos esparditos en Internet.
Os treballos deberen ir identificatos con o nombre y l’adresa de o/a autor/a y un telefono u correyo eleutronico de contauto.

D. A dotazion d’iste premio Pirene ye de 6.010 € alportatos por o Gubierno d’Andorra, de os cuals 3.005 € seran ta un reportache de radio u telebision y 3.005 € ta un reportache de prensa escrita.

E. O churato sera formato por zinco presonas profesionals de o mundo de a comunicazion en as espezialidaz de prensa, radio y telebision, asina como representans de o Gubierno d’Andorra.

F. O churato podra eszeuzionalmen prener en considerazion, con o consentimiento prebio de os autors, treballos en cualsiquier modalida de o premio que en a suya opinion s’adauten a o esprito de o premio, anque no s’aigan presentato a o mesmo.

G. O churato siguira o prozedimiento de botazions suzesibas dica otener una mayoria de botos a fabor d’un reportache determinato. O premio puede no estar achudicato. O beredito de o churato ye inapelable.

H. Os treballos aspirans a o premio Pirene cal que seigan presentatos por os suyos autors u representans legals antis de o 31 de chulio de 2007:

BIBLIOTECA PUBLICA
Edifici Prada Casadet, baixos
AD500 Andorra la Vella
(Principat d’Andorra)

Incluyendo a indicazion de que concurre a o premio Pirene.

I. O beredito de o churato se dara a conoxer durando lo mes de nobiembre de 2007.

J. Os treballos no premiatos podran estar retiratos de a Biblioteca Publica del Govern un mes dimpues de a proclamazion de o premio y durando los tres meses siguiens.

K. A presentazion de os treballos aspirans a o premio presuposa l’adempribio d’istos alazez y de os dreitos y obligazions que se’n deriban de os mesmos.

Ta mas informazion:
tel.: + 376 828750
e- mail: [e-mail]
web: http://www.pirene.ad/aragones.htm